«Әкелер одағы» қоғамдық бірлестігі Қазақстан аумағында энергетикалық сусындарды өндіру мен сатуды толығымен тоқтатуды талап ететін петиция жариялады.
Петиция авторлары қолданыстағы шектеулер жеткіліксіз екенін айтып, энергетикалық сусындардың адам денсаулығына кері әсері болуы мүмкін екенін атап өтті. Олардың пікірінше, мұндай сусындар тәуелділікке әкеліп, қан қысымының жоғарылауына себеп болуы ықтимал.
Қазір елімізде энергетиктерді 21 жасқа толмаған адамдарға сатуға тыйым салынған. Сонымен қатар 2026 жылдан бастап бұл сусындарға акциз салығы енгізіледі.
Петицияны қарастыру үшін 50 мың қол жинау қажет. Қазіргі уақытта оны шамамен 100 адам қолдаған.
Баман Ислам