Әлеуметтік желілерде қалаларда вирус тарап жатқаны, балалар мен ересектердің көптеп ауруханаға түсуі туралы хабарламалар тараған еді. Осыған байланысты редакция журналисі денсаулық сақтау вице-министрі Тимур Мұратовқа сұрақ қойды.
Үкімет үйінде өткен баспасөз конференциясында вице-министр аталған жағдайлардың тіркеліп жатқанын растады. Ол бұл құбылыстың күз бен қыс арасындағы өтпелі кезеңге байланысты екенін, сондай-ақ климаты ұқсас өзге елдерде де байқалатынын айтты.
Тимур Мұратов жағдай уақытша екенін, қазіргі таңда елде эпидемиологиялық қауіптің жоқ екенін жеткізді.