Ұлытау облысының Жайрем кентінде әйел адам өлтірілді. Оның артында төрт бала қалды.
Полиция деректері бойынша, қылмыста қаза тапқан әйелдің 33 жастағы азаматтық жары күдіктелуде.
Stankz мәліметінше, ер адам әйелге 20 рет пышақ сұққан. Қылмыс жасалғаннан кейін ол өзіне-өзі зиян келтіруге әрекет жасаған. Қазір ол полицияның тәулік бойғы күзетімен ауруханада жатыр.
Сот күдіктіні қамауға алуға санкция берді. Ауруханадан шыққаннан кейін ол тергеу изоляторына ауыстырылады.