Қазақстан Өзбекстан тарапының Астанада ұсталған профессор Икболжон Қарабоевқа қатысты іс туралы ресми түрде хабардар етілгенін мәлімдеді. Бұл туралы Ұлттық қауіпсіздік комитеті ҚазТАГ редакциясының сауалына берген жауабында хабарлады.
«Қазақстан Республикасы Қылмыстық-процестік кодексінің 201-бабына сәйкес, сотқа дейінгі тергеу материалдары жария етуге жатпайды. Қазақстан Республикасының заңнамасына сәйкес, өзбек тарапы дипломатиялық арналар арқылы ресми түрде хабардар етілді», – деп жауап берген ҰҚК.
Бұған дейін BBC Астанадағы Мақсұт Нәрікбаев атындағы университетте халықаралық қатынастар пәнінен сабақ берген өзбек профессоры Икболжон Қарабоевтың Қазақстанда тыңшылық ісі бойынша ұсталғанын хабарлаған.
ҰҚК тергеудің мән-жайына қатысты өзге деректерді жарияламады.