Қазақстан Президенті Қасым-Жомарт Тоқаев 11–12 қараша күндері Ресей Федерациясына мемлекеттік сапармен барады.
Сапар аясында Мемлекет басшысы Ресей Президенті Владимир Путинмен келіссөздер жүргізеді. Тараптар екіжақты ынтымақтастықтың негізгі бағыттарын, соның ішінде сауда-экономикалық, мәдени-гуманитарлық және өңірлік өзара іс-қимыл мәселелерін талқылайды.
Сондай-ақ Қасым-Жомарт Тоқаев Орал қаласында өтетін ХХІ Қазақстан мен Ресей өңіраралық ынтымақтастық форумының пленарлық сессиясына бейнебайланыс арқылы қатысады.
Кездесулер қорытындысы бойынша бірқатар маңызды екіжақты құжаттарға қол қою жоспарланған.