Қазақстанның бірінші президенті Нұрсұлтан Назарбаев Өзбекстан президенті Шавкат Мирзияевпен телефон арқылы әңгімелесті. Бұл туралы Өзбекстан басшысының ресми сайты хабарлады.
Мәліметке сәйкес, тараптар әңгіменің басында бір-бірін келе жатқан Жаңа жылмен құттықтап, бауырлас халықтарға бейбіт өмір, тұрақтылық пен өркендеу тіледі.
29 желтоқсанда өткен телефон әңгімесі барысында Қазақстан мен Өзбекстан арасындағы достық қарым-қатынас пен стратегиялық серіктестіктің жоғары деңгейге жеткені атап өтілді. Сондай-ақ екі ел арасындағы көпжақты әріптестіктің басым бағыттар бойынша кезең-кезеңімен дамып келе жатқаны айтылған.
Нұрсұлтан Назарбаев Ресей президенті Владимир Путинмен Мәскеуде кездескен еді. Осы жағдайға байланысты Мәжіліс депутаты Ермұрат Бапи мемлекеттік құпияны білетін тұлғалардың шетелге шығуын шектеуді ұсынды.