Бейжіңде Ресей мен Қытай көшбасшылары Владимир Путин мен Си Цзиньпиннің келіссөзі аяқталды.
Келіссөздер алдымен шағын құрамда, кейін кеңейтілген құрамда өтті. Жалпы келіссөздер 2,5 сағатқа созылды.
ҚХР көшбасшысы Путинмен сұхбатында Қытай Ресеймен «жақсы көрші, сенімді дос әрі серіктес» болуды жалғастыруға ниетті екенін айтты.
Путин өз кезегінде екі мемлекет арасындағы қарым-қатынас жағдаяттық емес екенін және ешкімге қарсы бағытталмағанын айтты.
Путин Қытайға өткен түні мемлекеттік сапармен келді. Бұл – Ресей көшбасшысының билікке келгеннен кейінгі шетелге бірінші сапары.