«Отбасы банк» басшыларының 2025 жылғы табысы жұртшылықтың қызу талқысына түсті. Қаржы ұйымы өткен жылы атқарушы басқарма өкілдеріне жалпы сомасы 437,7 миллион теңгеден астам сыйақы төлегенін ресми түрде растады.
Банктің мәліметінше, бұл төлемдерді есептеу кезінде әрбір топ-менеджердің басқарма құрамындағы нақты жұмыс өтілі мен атқарған еңбегі ескерілген. Алайда қомақты миллиондардың нақты қанша адамның қалтасына түскені құжатта ашық айтылмаған. Алайда банк басқармасының құрамында жеті адам бар.