Дулат Абдраманов
Мемлекеттік еңбек инспекторларының мәліметінше, 1 маусымға дейін 2 381 тексеру жүргізіліп, 2 941 құқық бұзушылық тіркелген. Оның 2 428-і еңбек заңнамасына, 496-сы қауіпсіздік пен еңбекті қорғауға, 17-сі жұмыспен қамту саласына қатысты болған.
Нәтижесінде жұмыс берушілерге 1 588 нұсқама беріліп, 194 млн теңгеден астам айыппұл салынды.
Министрліктің хабарлауынша, қабылданған шаралардың арқасында 1 900-ден астам қызметкердің құқығы қорғалып, оларға 677 млн теңге көлемінде кешіктірілген жалақысы өндіріп берілді.