Мемлекет басшысы Ұлттық қауіпсіздік комитетінің басшылық құрамымен жиын өткізді

Сапар барысында Мемлекет басшысына киберқауіпсіздікті қамтамасыз ету, жасанды интеллект технологияларын қолдану мүмкіндіктері, сондай-ақ үкіметтік және қызметтік байланысты дамыту жобалары таныстырылды.

Жиын барысында Қасым-Жомарт Тоқаев ақпараттық қауіпсіздікке төнетін қауіп-қатерлердің алдын алу және еліміздің маңызды инфрақұрылымының тұрақты жұмыс істеуін қамтамасыз етудің маңыздылығын атап өтті.

Кездесу соңында Президент осы бағыттағы жұмысты жетілдіруге қатысты бірқатар нақты тапсырма берді.