Мобилограф Қыран Талапбек “Құрмет” орденін алды. Бұл жаңалықты кәсіпкер Сырымбек Тау Instagram парақшасында бөлісті.
“Құтты болсын “Құрмет”. Лайықтысың”, – деп кәсіпкер мобилографтың орденмен түскен фотосын жариялады.
Қыран Талапбек Мемлекет басшысы Қасым-Жомарт Тоқаевтың сапарларын түсірген. Ең алғаш 2022 жылдың желтоқсанында Президенттің Өзбекстанға мемлекеттік сапарында мобилограф болып барған.
Жақында өткен ШЫҰ саммитін де Қыран түсірді. Оның Instagram парақшасындағы ШЫҰ жайлы видеосы 3 күнде 2 миллионға жуық қаралым жинап үлгерді. Сондай-ақ саммитке келген мемлекет басшыларын Астана қалай күтіп алғанын да өз парақшасында жариялады.
Ол тіпті Президент телерадиокешенінің қызметкерлеріне мобилографиядан сабақ берген.