Қостанай облысындағы Соколовская шахтасында жұмысшы қаза тапты. Қайғылы оқиғаны Соколов-Сарыбай тау-кен байыту өндірістік бірлестігі хабарлады.
"280 метр деңгейдегі жиекте жару жұмыстарын жүргізгеннен кейін іліктастарды жинау кезінде тау-кен жынысының кесегі опырылып кетіп, ұңғылаушының үстіне құлаған. Салдарынан жұмыскер қаза тапты", – деп хабарлады компания.
Компания марқұмның отбасына қажетті көмек көрсетілетінін айтты. Оқиғаға қатысты тергеу басталды.