2024 жылы қазақстандықтар криптовалютаға заңсыз түрде 15 миллиард АҚШ долларын жұмсаған. Бұл туралы Ұлттық банк төрағасының орынбасары Берік Шолпанқұлов мәлімдеді.
Оның айтуынша, Қазақстандағы криптоайналымның тек 5%-ы ғана заңды түрде Астана халықаралық қаржы орталығы арқылы жүзеге асады, қалған 95%-ы "көлеңкелі аймақта" жүр.
Берік Шолпанқұлов криптовалютаға байланысты заң бұзғандарға жауапкершілік қарастырылып жатқанын айтты:
-
сатушыларға – қылмыстық жауапкершілік,
-
лицензиясыз сатып алғандар үшін – әкімшілік жаза.
Ол азаматтарды тек заң аясында жұмыс істейтін лицензияланған платформалар арқылы цифрлық активтерге инвестиция салуға шақырды.