ҚР Премьер-Министрінің орынбасары – Жасанды интеллект және цифрлық даму министрі Жаслан Мәдиев елімізде пилотсыз технологияларды дамытуға ерекше көңіл бөлініп жатқанын мәлімдеді, деп хабарлайды BAQ.kz.
Қазақстанда халықаралық технологиялық компаниялардың қатысуымен жүргізушісіз автомобильдердің эксперименттік жобасын іске қосу жоспарлануда.
Қазіргі уақытта елімізде технологиялық шешімдерді енгізу үшін қажетті инфрақұрылым қалыптастырылуда. Жеке бастама аясында тауар жеткізетін дрондарды енгізу бойынша пилоттық жоба жүзеге асырылып жатыр. Бұл қалалық мобильділік пен логистиканың жаңа модельдерін сынақтан өткізуге мүмкіндік береді.