Үкімет жетекшісі Олжас Бектенов жұмыс сапарымен Анкараға барды. Үкімет баспасөз қызметінің хабарлауынша, сапар мақсаты – қазақ-түрік ынтымақтастығының сапалы дамуын қамтамасыз ету және президеет Қасым-Жомарт Тоқаев қойған елдің экономикалық өсуін жеделдету жөніндегі міндетке қол жеткізу үшін жаңа перспективалы салалардағы өзара іс-қимыл әлеуетін ашу.
Бұл ретте астықты терең өңдеу, көмір химиясы, мұнай-газ өнеркәсібі, мұнай-химия және басқа салалардағы бірлескен жобалар қосылған құны жоғары өнімдер шығаруға мүмкіндік бермек.
Премьер-министр Анкара қаласында Түркия президентінің қабылдауында болды, Түркияның вице-президентімен келіссөз жүргізді, ірі түрік компаниялары мен холдингтерінің өкілдерімен кездесуде инвестициялық ынтымақтастық мәселесін талқылады, сонымен қатар қазақ-түрік бизнес-форумында сөз сөйлеген.
Олжас Бектенов бизнес өкілдеріне еліміз маңызды жобаларды іске асыруға қолдау көрсетуге дайын екендігін атап өтті.