Мемлекеттік кеңесші Ерлан Қарин ғылым мен білім, сондай-ақ балалардың қауіпсіздігін қамтамасыз ету бағытындағы маңызды өзгерістерді жариялады. Оның айтуынша, бұған дейін шашыраңқы болған бала құқығын қорғау шаралары енді Президенттің пәрменімен әзірленген «Қазақстан балалары» атты біртұтас бағдарламаға топтастырылды.
Сонымен қатар елімізде ғылыми қалашықтарды дамыту тұжырымдамасы бекітіліп, мектептегі тәрбие жұмыстары жаңаша сипат алды. Сонымен бірге, есірткіге қарсы күрестің жаңа кешенді жоспары мен Қазақстан тарихында алғаш рет ішкі саясаттың бағыттарын жүйелейтін тұжырымдамалық құжат қабылданғаны айтылды.