Malwarebytes сарапшылары 17,5 миллион қолданушының жеке мәліметтері даркнетке шығып кеткенін анықтады. Хакерлер қазір бұл базаны өзара қызу талқылап жатыр.
Нақты не ұрланды?
Бұл жай ғана логиндер емес, өте маңызды ақпараттар:
- Аты-жөніңіз бен никнейміз;
- Электрондық пошта мен телефон нөміріңіз;
- Тұрғылықты жеріңіз туралы деректер.
Хакерлер бұл деректерді пайдаланып, сіздің атыңыздан жалған хабарламалар таратуы немесе «құпия сөзді ұмыттым» функциясы арқылы аккаунтыңызды тартып алуы мүмкін.
Егер Instagram-нан күмәнді хаттар келсе немесе біреу сіздің атыңыздан хабарласса, сақ болыңыз!
Мамандар шұғыл түрде келесі сақтық шараларын орындауды сұрайды: біріншіден, Instagram-дағы құпия сөзіңізді дереу жаңартыңыз. Екіншіден, аккаунтыңызға міндетті түрде екі факторлы аутентификацияны (2FA) қосыңыз — бұл хакерлер үшін басты кедергі болмақ. Сонымен қатар ең маңыздысы, поштаңызға немесе direct-ке келген күмәнді сілтемелерге өтпеңіз, себебі бұл сіздің деректеріңізді жинауға арналған тұзақ болуы мүмкін. Өз цифрлық деректеріңізге абай болыңыз