Сауд Арабиясында IChO-2024 химиядан 56-халықаралық олимпиадада елімізден барған барлық оқушы жүлделі орындарды иеленді, деп хабарлайды «Дарын» РҒПО.
International Chemistry Olympiad – дүниежүзілік ең беделді топ-7 олимпиадалардың бірі. Құрамамыз үшінші жыл қатарынан жоғары нәтиже көрсетіп келеді, биыл жас химиктеріміз қос алтын, бір күміс және бір қола медаль иеленіп, 100% нәтиже көрсетті.
І орын: Ринат Илюсизов — Павлодар қаласының дарынды балаларға арналған № 8 лицей-мектебінің 11 сынып оқушысы;
І орын: Кирилл Ким — Астана қаласындағы физика-математика бағытындағы НЗМ 11-сынып оқушысы;
ІІ орын: Абылай Кабдулхадыр — Астана қаласындағы физика-математика бағытындағы НЗМ 11-сынып оқушысы;
ІІІ орын: Әділжан Молдағұл —Ақтау қаласы, «Білім-инновация» лицей-интернатының 11-сынып оқушысы.
Қазақстан құрама командасының жетекшілері: Азамат Жақсылықов және Санжар Бегдайыр — республикалық, халықаралық олимпиадалардың жеңімпазы.