Астана әуежайына баратын жолаушылар үшін қозғалыс тәртібі сәл өзгереді. «Әуежай» LRT станциясының көше жағындағы бас кіреберісі уақытша бұғатталады. Астана әуе айлағының өкілдері бұл жайсыздықты «CTS» компаниясы жүргізіп жатқан құрылыс қарқынымен түсіндірді.
Бұл шектеу шамамен үш аптаға, дәлірек айтқанда 20-25 күнге созылмақ. Дегенмен сапарға шығатындарға әуреге түсудің қажеті жоқ: Т2 терминалынан ЛРТ станциясына өтетін жабық галерея бұрынғыша толық жұмыс істеп тұр. Әуежай әкімшілігі жолға шығатын тұрғындардан уақытты алдын ала есептеп, бағытты осы өзгеріске сай жоспарлауды сұрайды.