АҚШ-тың терроризмге қарсы ұлттық орталығының директоры Джо Кент Ирандағы соғысқа қарсылық білдіріп, өз еркімен қызметінен кетті.
Ол АҚШ президенті Дональд Трампқа жазған хатында Ирандағы әскери әрекеттерді қолдамайтынын жеткізген. Кенттің айтуынша, Иран АҚШ-қа тікелей қауіп төндірмеген.
Сондай-ақ ол бұл қақтығыс Израиль лоббиінің ықпалымен басталды деп санайтынын мәлімдеген.
Өз кезегінде Дональд Трамп Кенттің отставкасына жауап беріп, оны «жақсы жігіт» деп атағанымен, қауіпсіздік мәселесінде әлсіз болғанын айтты. Сонымен қатар, Трамп Иран тарапынан қауіп бар деген ұстанымын қайталады.